Избегај од досадата, забавувај се со нас

Регистрирај се
Блогови на Andjelija

Идеи како стилски да го уредите домот, без да потрошите многу..

Досега многупати сме ви докажале дека за да бидете добро облечени или за домот да ви биде совршено уреден, не ви се потребни многу пари.

idei-kako-domot-stilski-da-go-uredite-bez-da-potroshite-mnogu-001.jpg

Можеби на фотографиите на блогерките и на ентериерите на кои им се восхитуваме изгледа дека се опремени со скапи работи, сепак тоа не мора да биде секогаш така.

Важно е само да имате креативна идеја и замисла, да додадете неколку декоративни елементи и да си поиграте со боите за домот да добие нов стилски иглед.

Доколку ви се потребни идеи, послужете се со овие едноставни совети и претворете го вашиот дом во стилско катче по ваш вкус:

Шарени перници

Перниците во повеќе додаваат светлост и го нагласуваат ентериерот кој може да добие сосема нов изглед доколку внесете боја во него.

Експериментирајте со големината и боите на перниците, комбинирајќи шарени со дезен и едноставни еднобојни за да не изгледа претерано натрупано.

idei-kako-domot-stilski-da-go-uredite-bez-da-potroshite-mnogu-02.jpg

Невообичаено огледало

Ако на ѕидот ви виси огледало со необичен облик, не само што визуелно ќе го зголемите просторот, туку ќе ја истакнете вашата индивидуалност и уникатниот стил кој нема да остане незабележан.

idei-kako-domot-stilski-da-go-uredite-bez-da-potroshite-mnogu-03.jpg

Тегли за рефус производи

За рефус производите, наместо традиционалните лимени кутии, одберете стаклени тегли или некои со интересна амбалажа и шара кои ќе додадат шарм и во кујната, а ќе бидат практични.

idei-kako-domot-stilski-da-go-uredite-bez-da-potroshite-mnogu-04.jpg

Светол тепих

Светлиот тепих внесува пријатно расположение и атмосфера во просторот и креира чувство на удобност. Експериментирајте со боите и обликот и избегнете ги здодевните обични и традиционални теписи - нема да погрешите.

idei-kako-domot-stilski-da-go-uredite-bez-da-potroshite-mnogu-05.jpg

Табли за закачување

Со овие табли визуелно ќе го разубавите просторот, а може да создадете оригинално катче во боја кое ќе ве карактеризира вас. Фотки од патувања, од најблиските, цитати, пораки, и сè што сакате секојдневно да гледате, а да изгледа стилски.

idei-kako-domot-stilski-da-go-uredite-bez-da-potroshite-mnogu-06.jpg

Оригинално и впечатливо осветлување

Во модерно време, осветлувањето не е само извор на светлина туку и модерен дел од вашиот ентериер и декор. Изборот е огромен, само треба да ја пуштите имагинацијата и да не се ограничувате со стандардни модели.

idei-kako-domot-stilski-da-go-uredite-bez-da-potroshite-mnogu-07.jpg

Плетени корпи

Плетените корпи, во различни форми и големини, може да се користат на најразлични начини. Предноста на овие практични корпи, освен што во нив можете да соберете повеќе работи, е и тоа што изгледаат уникатно и одлично се вклопуваат во дом со топол ентериер.

idei-kako-domot-stilski-da-go-uredite-bez-da-potroshite-mnogu-08.jpg

Урамени шарени принтови

Најдете шарени цртежи испринтани на хартија или исечете интересен принт од некое списание и урамете го во рамка. Вашите ѕидови веднаш ќе добијат нов разигран изглед, а одлично е што можете постојано да ги менувате, само треба да бидете креативни.

idei-kako-domot-stilski-da-go-uredite-bez-da-potroshite-mnogu-09.jpg

Стикери за ѕид

Во денешно време, овие стикери се многу популарни за декорирање на ѕидовите на собите. Можете да ги најдете во најразлични големини, форми и шари и постојано можете да го менувате изгледот на ѕидовите.

idei-kako-domot-stilski-da-go-uredite-bez-da-potroshite-mnogu-10.jpg

Книги со еднобојни корици

За домашната библиотека да ви изгледа постилски, подредете ги книгите според бојата на кориците, или пак завиткајте ги со иста хартија доколку сакате. Одберете неколку бои и разиграјте го ова катче од домот кое веднаш ќе стане повпечатливо.

idei-kako-domot-stilski-da-go-uredite-bez-da-potroshite-mnogu-11.jpg

Светилки

Кој кажал дека светилките се само за декорирање за време на божиќните празници? Малечките сијалички во различни бои и форми може да го направат домот попријатен. Со нив можете да го украсите огледалото, потпирачот од креветот или пак да напишете некој инспиративен збор на ѕидот.

idei-kako-domot-stilski-da-go-uredite-bez-da-potroshite-mnogu-12.jpg


Клучни зборови:

 
Интересно
позитивни гласови: 1  |  негативни гласови: 0

Напиши коментар:

Predivno zaista hvala
#1, 13.09.2018 - 22:55